PM મોદીએ લૉન્ચ કર્યું 5G: દસ ગણી વધી જશે ઈન્ટરનેટની સ્પીડ 5G વિશે જાણો

વડાપ્રધાન નરેન્દ્ર મોદી આજે પહેલીવાર 5G ઈન્ટરનેટ સેવાનો ઉપયોગ કરીને ઈતિહાસ રચ્યો છે. 'ઈન્ડિયા મોબાઈલ કોંગ્રેસ-2022'ના ઉદ્ઘાટનમાં પીએમ મોદી 5જી ટેક્નોલોજી લોન્ચ કરી.

શું છે 5G? સરળ શબ્દોમાં કહીએ તો, 5G એ સૌથી આધુનિક સ્તરનું નેટવર્ક છે, જેના હેઠળ ઇન્ટરનેટની ઝડપ સૌથી ઝડપી હશે. તે વધુ વિશ્વસનીયતા ધરાવશે અને પહેલા કરતા વધુ નેટવર્કને હેન્ડલ કરવાની ક્ષમતા ધરાવશે.

G વિશે સૌથી મહત્વની વાત એ છે કે તે લોઅર ફ્રીક્વન્સી બેન્ડથી લઈને હાઈ બેન્ડ સુધીના તરંગોમાં કામ કરશે. એટલે કે તેનું નેટવર્ક વધુ વ્યાપક અને હાઇ-સ્પીડ હશે.

5G આવવાથી શું ફરક પડશે? 4G ની સરખામણીમાં યુઝરને 5Gમાં વધુ ટેકનિકલ સુવિધાઓ મળશે. 4G માં ઈન્ટરનેટ ડાઉનલોડ સ્પીડ 150 મેગાબાઈટ પ્રતિ સેકન્ડ સુધી મર્યાદિત છે. 5G માં તે 10 GB પ્રતિ સેકન્ડ સુધી જઈ શકે છે.

યુઝરો માત્ર થોડી સેકંડમાં સૌથી ભારે ફાઇલો પણ ડાઉનલોડ કરી શકશે. 5G માં અપલોડ સ્પીડ પણ 1 GB પ્રતિ સેકન્ડ સુધીની હશે, જે 4G નેટવર્કમાં માત્ર 50 Mbps સુધી છે.

શું ડેટા પ્લાન આવ્યા પછી મોંઘા થઈ જશે? યુઝરો માટે સૌથી મોટો પ્રશ્ન 5G ઈન્ટરનેટ માટે ચૂકવવાની કિંમત છે. ભારતમાં સ્પેક્ટ્રમની હરાજી થોડા સમય પહેલા પૂર્ણ થઈ ગઈ હોવાથી, આવી સ્થિતિમાં ટેલિકોમ કંપનીઓ ટૂંક સમયમાં જ તેમની યોજનાઓ વિશે માહિતી આપી શકે છે.

સામાન્ય ઉપભોક્તા ક્યારે 5G સેવાઓ મેળવવાનું શરૂ કરશે? અહેવાલો અનુસાર, સપ્ટેમ્બરથી જ પરીક્ષણ માટે 12 શહેરોમાં 5G સેવાઓ શરૂ થશે. જો કે, તેને સમગ્ર ભારતમાં પહોંચવામાં 2023ના પ્રથમ ક્વાર્ટર સુધીનો સમય લાગી શકે છે.